فن التشحشح بيني وبين الشاعر العزيز عبدالله سبيت العلوي

[بو ميحد]

المشاركة الأصلية كتبت بواسطة عبدالله الراسبي

يقول عبدالله الراسبي

تبارك الله ع الربابي ****

يلكم سلامين وتحيات ********* بعداد هملول السحابي *****

كيف حال خوتك والرباعه **** من ياهل وشيبه وشبابي ****

بوسبيت بانشدك باسالك ***** عن عاضدن غربا اليوابي ****

من أوله يروي العطاشا ******* موصوف راحه فالشرابي *****

بستان من زد البساتين ******* نعمه ظليله وانسيابي ******

شمنا بنستطني النخيلي ******* فالسور شفنا ألف بابي *****

قالوا لنا البيدار باعه ******** والي شراه ربعه الجرابي ****

والخاتمه زايد بعوقي ******* حث بعجل هات الخطابي ****


قال عبدالله سبيت

غني بلحن صاح العرابي *****

طشيت من نومي وفزيت ***** عزمت أشرخهن ثيابي *****

رحبت بك مليون مره ****** ساعة وصل منك كتابي ******

بجمع وبقسم لك وبطرح **** والحين با وقع حسابي ******

يا صاحبي من مال غيره **** في هالزمن يقدر يصابي *****

البيدار ما عنده رباحه ****** آخر السنه يجني النصابي ****

واللي يبا يملك بساتين ***** م يخاف من لدغ الدوابي *****

ذا شور مني ما دلاله ******** لا تقول عبدالله رمابي *****

والخاتمه دوم المولع ********* يزجر بونه واعذابي *****

وتقبلوا تحياتي

حبيت اشارك بهذه المشاركه :

يقول بو ميحد:
الجو غائم با السحابي:
الله بخولن يســـــــــــجي الدار مطره وتخضر الهضابي
أشوفني في درب خوتي ف أركــــابهم ب اشبج ركابي
ناسن شغلهم ف التجــــــارة مــــعهم وسيعات الرحابي
محظوظ واتنفعه جـــــــهوده اللي يـــــتاجر في العوابي
واللي يتاجر فى البســـــــاتين لتجــــــارته فاتح مخابي
يتكلموا عن عاضد الشيح فى زملهـــــم شوقي سرابي
حدن يقول المال م العام مبــــــتاع والشــــــاري يحابي
أهل التجاره يحبكوها أيشــــــــــن أنا حـــــــضرة جنابي ؟
والخاتمه جات الشـــــهيه فــــــــى دارهم ريحة مضابي