" من النصوص الفائزة بمسابقة مجلس الشعر الشعبي ..

[فاطمه القمشوعيه]

\


شجن ..!
عبدالناصر السديري


ليه دربك من قبل لـــ أوصل وهو يجرح فـ ضنّي :
ــــــــــــــــــــــــــــــــــ ( ( أنت ذاك اللي بعد ما راح خلاني لـ وينه ؟
يا كثير الحزن ما بسّك من دروب التمنّي؟
ــــــــــــــــــــــــــــــــــ لا تعلق في مراجيح المسا ذكرى دفينة
ما يهم الدمع من سافر ضحى عنك وعنّي
ــــــــــــــــــــــــــــــــــ سافروا لـ هناك ما يوصل مداك حدود بينه ......))
أيه وتحيده خطاي تذكره يا ما شجنّي
ــــــــــــــــــــــــــــــــــ كان ضمن أشياء كثيرة حيل طاهر، كنت أحينه
كان غالي ، يجهل العالم تفاصيله .... فتنّي
ــــــــــــــــــــــــــــــــــ كان لا جاء الليل سلمته آناي بــكل سكينة
كنت أعلق به نهاراتي و ذاتي ، كنت أغني
ــــــــــــــــــــــــــــــــــ لو بعــــد شباكك الأبيض فضا أبقى سجينة
لو ينبّش في عذاباتي بهذا الكثر ..... منّي
ــــــــــــــــــــــــــــــــــ أعذره لو يقلب الدنيا على قلبي حزينة
يا مروّح لا تهز الدمع من بوحً سكنّي
ــــــــــــــــــــــــــــــــــ أكبر من الترك نفسه هــ الجماد ومن حنينه
ساااافر أحضان و كراسي في مسافاته تجني
ــــــــــــــــــــــــــــــــــ كنه أستدعى أساميهم شجن و يخون طينه
كل شي في دربك الناسي بــ هــ الليلة حزنّي
ــــــــــــــــــــــــــــــــــ كن وجهي من لمح بيتك و أنا مره مدينة
ما حرجني بعد هـ اللحظة و أناظر غير سنّي
ــــــــــــــــــــــــــــــــــ هـ الكبير اللي رمى في عرض أحزانه سنينه
من فمي طارت حكاياتك حمام و لو نسنّي
ــــــــــــــــــــــــــــــــــ للفتى العابث على درب الهوى مليون شينه