الغدر ديره كل خـــاين وقصاف

[ناصر بن سالم الهاشمي]

المشاركة الأصلية كتبت بواسطة جمعه سعيد جابر المخمري

إقصر يمينك عن َمدةٍ تـبتر أطراف
كِفَ الجـِــزايل وإكتــفيها فــأهـلها

خــمس الديار اليابســات.. العــجاف
من يجحد المعروف.. كّنه وَصـــلها

لولا الشّرف.. ماتسامينا بالأشـراف
وضــدنا ناسٍ.. تـــــعوم ف جــهلها

من يطلب الحق مالقى غير الإنصاف
من وكـّــل الله.. في أموره وعـــللها

ياصاحبي مـاني على الــهّم مـخلاف
النفــس عسمى.. تشتكي من وَجــلها

وأمْسـحْ خــدودٍ.. تـَـلهّا دمـْـع ذرّاف
يوم إشتكت روحــــي.. فواٍد خذلــها

هامات عشقي متنّكسه بهّم مجـحاف
ظلم الخناجر لي تنتفض من نصلها

تِرَتع على قلبٍ.. حزينٍ.. ومِشْـناف
وجروح عامه اللي مضى مادملها

الجرح يتّجدد بناسْ اتبّدل أطياف
متشابهين وشخصْ واحدْ شــملها

الغْدر ديْرة كل خـــاين وقصّاف
واِتْرابها الِجْحد والمصالح وحلها

والِطّيْب نقِمه لا تشّبث بالأكلاف
ترضي خـــلايق.. ماتلـِـملْم زعلها

حولك نخيلٍ متِوسّده باْرْض لتْـلاف
وش خانتٍ في أرضْ ِتخذل نخلها
مابه جديدٍ من عـَــنـا الوقت ينضاف
إلا الجـــــروح اللي تــطّل بشكلها

كِف الجزايل في العطا وحملْ لكتاف
ولاتفغل الخيرات.. إلا ف أهـــلها

الشاعر جمعه المخمري
مروري الاول ولي عودة اتمناها قريبة

تحياتي 00 ناااصر