أنشد وليفٍ ما عمره نشد عني##s##

[سعيد المعمري]

هذا ما يمنع إني أكتب وألقى تعليقات من ذوي الخبرة .

البارحة يا صـــديقي جيـت متعني
أنشد وليفٍ ما عمره نــشد عنــي
ما قد عشقنا شراته انس أو جني
قالوا صديقك قبل لا يموت يدعيلك
يطلب عمامه ولـو متكسح يجـيلك
يبغي يضمك وركعلك تــحت ريلك
ويقول من الدهر يا خلي وما مني
××××××××××××××××××××

جميل اختي سميره هالمقصب جداوعجبني لاني اموت في شي اسمه مسبع

بس فيه نقطتين ارجوا انك تنتبهي لهن او ثلاث نقاط بالتحديد

اولا : في البيت الثالث من الهزع (الهزع هو القافيه الثانيه من المسبع )ما ادري هل تقصدي( ويركعلك) ان كان قصدك كذا ما يصير لان السجود والركوع للواحد الاحد فقط
وان كنتي ما تقصدي يركعلك فإيش معنى (وركعلك)

ثانيا : في البيت الاخير عندش زيادة او ثقل في البيت وكان الاحسن لو قلتي

( ويقول منّه الوقت ياخل ما منّي)

ثالثا : في كلمات غير مستحبه انها تنقال في المسبع مثله مثل الميدان وانتي عندش هنا كلمة ممنوعه في الفنين (الميدان والمسبع) وهي كلمة (دهر)

لانها عند الغنا تنقسم من مقطع واحد الى مقطعين وتصير اول حرف لحاله والحرفين الاخيره مع بعض اقسمي الكلمه وانتبهي ايش بتصير بالحرفين الاخيرات فقط

من هنا يمنع قول كلمات معيّنه في الميدان والمسبع (الدان )

ملاحظه : كلامك جدا طيّب طيّب

و في بلادنا نقول وايد حلو