.... كراسي ...... حلاليق .... للتواصل

[سالم الريسي]

المشاركة الأصلية كتبت بواسطة أبو رآكان الكلباني

" كراسي. حلاليق "


اللي رقى في خافقي قمّة. طويق
وقصر الإخوّة من فعوله عمرته

إن ماثبت عند العهود. المواثيق
ولاّ ترى حبل الصداقه قصرته

وإن ما لحق فعل الرجال المطاليق
وش يفرقه عن زوله زول مرته

وللي شارني مناخ بيته المعاليق
واللي جهلني تحت رجلي طمرته

مايتبع العاقل عيوب المخاليق
ولايستر اللي مات إلاّ حفرته

وليا نظرت ابواب رزقك مغاليق
مزلاجهن بامر الولي لا. ذكرته

من يتبع المولى حياته توافيق
واللي يجانب من يقيله عثرته!؟

ماتنفع الميّت نصحيه ولا يفيق
من غفلته حتى يلاقي سكرته

عاشرت فالدنيا نشامى وبطاريق
وأخو الرخا وقت الشدايد خبرته

وبكيت حتى. هلّ دمعي. مهاريق
على الغزال اللي. فحياتي. خسرته

لو كانت العليا مراقي وشواهيق
لكان بوم الليل ذاعت شهرته

لكنّها مناطح خشوم وتفافيق
ويمنى جواد وليث يسرج مهرته

عجبت من. دنيا يصارع. على الريق
لو غصّبه. مات. الامل. في. عبرته

حكّام والمنصب كراسي حلاليق
لو دايمه ما كان وصلت حضرته


أبو. رآكان. الكلباني

نص يسكن القلوب بعذوبته

نص ملي بالجمال

شدني كثيرا

لهذا لن اتحدث اكثر

سوف اترك المتلقي يتامل النص

ولى عودة باذن الله..