سلام لكم جميعا

[طلال العريمي]

أول سلام الله على نسل الفخر
راعي الكرم تشهد عليه المايده

هو محزمي ولوقت حاياتي ضخر
شروا الخوي يضمر معزه زايده

[أبو مسلم الصلتي]

المشاركة الأصلية كتبت بواسطة طلال العريمي

أول سلام الله على نسل الفخر
راعي الكرم تشهد عليه المايده

هو محزمي ولوقت حاياتي ضخر
شروا الخوي يضمر معزه زايده

يامــــرحبا باللي يحايي بالشعــر
من ذا السفر نبغى علومٍ رايــده

من غبت عنـّا عاد لك مدّه ودهر
وبرجعــــتك يلنا صلاح وفــــايده

[سالم سعيد المحيجري]

بك مرحبا وحيا يا راعي السفر
راعي السفر ياب الهدايا مائده
ومن مدة نرقب وصولك يا صقر
وراعي الطرب فالأوله بناشده

حياك الله أخي طلال العريمي

دمت بخير

[ناجى جوهر]

وأسمح أخي با قول من وجهة نظر
البعد نار على الغريبي قايده
وإن كان قد ياتينا أحيانن خطر
من دون سبق انذار أو إمحايده

[عبدالله الراسبي]

المشاركة الأصلية كتبت بواسطة طلال العريمي

أول سلام الله على نسل الفخر
راعي الكرم تشهد عليه المايده

هو محزمي ولوقت حاياتي ضخر
شروا الخوي يضمر معزه زايده

يا مرحباين عوده بقايد مشتهر ********** ياللي لفانا من دروبن مبعده

ومن اوله راعي الوفا ما ينقصر **** يقطع صحاري كثبى ويوفي موعده

[خليل عفيفي]

الأخ طلال العريمي
أهلا بك أخا وشاعرا وأديبا نعتز بروعة وجوده بيننا
صح لسانك

[طلال العريمي]

ماشي علومن ناشدي غير اليسر
تفرح محبـــــــي والصديق تعايده

ولشوفكم قلبي يحن ويعتـــــــصر
غير الظروف إلي تحدني كايـــده

[سالم سعيد المحيجري]

طيبة ومسرة ونشكره رب البشر
واللي خلقنا دوم دايم نحمده
وابن العريمي لي يحيينا بشعر
جوهر يصوغه فالمعاني عسجده

[طلال العريمي]

خير ونعم من عند ربي تنهمـــر
نشكر إلاهي لن عمرنا مسايده

عمر القلم مايستوي دون الحبر
منكم تغدا فكرنا وقصــــــــــايده

[كاملة البلوشي]

ماقصرتوا ويامرحبا بطلال