زحمة مشاعر

[زهرة السوسن]

داخلي زحمةْ مشاعرْ
.........ودي أحكيها واغادرْ

صرت في لحظة تحدّي
........ما بقى عندي عواذر

اسمعيني ولا تردّي
........ما أبي جبر الخواطر

كنت عصفورة بيدّي
........صرت في كفين آخر

لما من صوبي تعدّي
......تنزف جروحي وناظر

لا تحثّي السير هدّي
......وانظري مسكين عاثر

خوفي يا عمري تصدّي
......والزم سكوتي وصابر

ما أبوح لحد سدّي
......واحترق خافي وظاهر

ترجع الأيام وُدّي
.......ذي أماني قلب خاسر

لا تجيب ولا تودّي
.......احسبيني طيف عابر

هلّ دمعي فوق خدّي
.....يوم ضاقت بي المعابرْ

جيتِ أشرحْ صدْق وِدّي
.......فاتني ما كنت شاطرْ

لا سنة وْسنتين عِدّي
...مسكنك في الروح شاغر
أم عمر

[سالم سعيد المحيجري]

الله الله الله صح لسانك

[شاكر العلوي]

نص جميل.. تحياتي

[ذكرى]

لا سنة وسنتين عدي
مسكنك في الروح شاغر
....
اشتقنا إليك وإلى إبداعك يا ام عمر

[نرجسية]

جيتِ أشرحْ صدْق وِدّي
.......فاتني ما كنت شاطرْ



جميل جدًا ما قرأت من بوح ..
كل الود

[عبدالكريم السعدي]

نص جميل أختي أم عمر ومحبوك كما ينبغي..

صح لسانك ولا هان منطوقك

[خليل عفيفي]

صح لسانك صح لسانك إبداع حقيقي

[خليل عفيفي]

إبداع فعلا ..ما شاء الله..
صح لسانك شاعرتنا المبدعة ولا هان منطوقك