القضيه

[كتمي در]

مرمي ع الذكرى وبالمدامع تلحفني..تصب الماي لو تصب الحزن عليا

تضم الكفن الأبيض و ف الأرض تلحدني..وبحقارة قلب ما تحس الي بيا

تحظن أحبتنا بس م جيت تحظني..خلفت ف قلبي الام البرية

ليتني أنطق أقول وربي اسمعني..أحبك غلطة أصلحها لو بيدية

ليتني أرجع وأشوفك تنظرني..أقول نزل العين ولا تطالع أبد فيا

أنا ميت ولا الدنيا تعذبني..أنا المذنب ولا أنا كنت الضحية

يا صبر أيوب دخيلك اليوم صبرني..شوف حالتي ع الترايب رمية

أبي أسأل أبي أقول وافهمني..ما كسرت لك خاطر ولو حتى شظية

فليش اليوم بعد ها الحب تتركني..ليش تبعد ليش ترميني بسهم المنية

الأهل يبكون وإنت بالفرحة توعدني..كأنك بجنون حبنا كنت حية

تحرك الذيل خلسة وبحفيفك تسمعني..كلمات الحب مغلفة بأعطر هدية

يلا ابعد ويا المبتعد بس افهمني..صرت رمز المحبة وزواري وفية

تدري يا مصعب فراقك والله جنني..صرت أشوف الموت حلي بالرزية

وإذا ببالك قتلي فوز فليش إنت تتربني..ما دريت إني المرمى والرامي الوصية

لا تهنى بسعد بعدي الموت ما راح يفرقني..ظمتني التربان إي بس جثماني طرية

خل دموع التماسيح تهل الترب وتقبرني..وأبكي الحين وأضحك فهاي المسية

ترا الي مثلك قتل قبلي واليوم قتلني..عندك الحب لعبة والدمى ادمية

صرت إنت الذيب الي بأنيابه ينهشني..وصرتلك عنوان ف صفحات منسية

يلا خذ خطواتك وروح ولا بيوم تذكرني..وارمني للنسيان بلا شاهد ولا حمية

حسبي عليك ربي الي صورك وصورني..اهو أدرى بشعوري واهو أدرى بالقضية