قساك عندي

[ابراهيم الفزاري]

المشاركة الأصلية كتبت بواسطة تركي الحبسي

أبراهيم الفزاري شاعر رائع وصديق تشرفت بمعرفته
القصيده مليئه بالصور الشعريه الخصبه
أعجبني تسلسل الأفكار
وأبدعت في القافيه أضافت الكثير للقصيده وأعطتها جرس موسيقي جميل
قسوة الحبيب.....



قساك عندي
قساك عندي مثل ما بارد الماي
أقسى قسم بالله كنه ضمادي
كل شي منك عذب يا قبلة خطاي
لو كنت موتي سرت لك باجتهادي
أقسى مدامك شفي وغاية مناي
وأطعن وثبت طعنتك بالفؤادي
خلني اتلذذ ياغناتي ببلواي
وأهيم بك في كل عالي ووادي
واعزف على جرحي كما عازف الناي
واهديني ريح الحب مسك وزبادي
مادام جيتك فالمحبة من أقصاي
ياكبر حظي صرت ثالث أعيادي
أكيد لنك سر قلبي ودنياي
وأكيد لنك بسمتي م النكادي
واكيد لنك نور عيني عن عماي
واكيد لنك شي ما هو بعادي
يارحمة الله صرت لي داي ودواي
لكن طبعك مكتسي بالعنادي
ما غير باسمك يالغلا تنطق شفاي
وما غير قلبك له أبسرج جيادي
يا بو عيون(ن) سحرها يجعل عداي
تكن لي صدق الوفاء والودادي
فيها تضيع عقول ونضيع الرأي
وفيها النجاة وفيها معنى النفادي
الله وأكبر صرت بعدك بلياي
تركت نفسي عندكم يامرادي
وأقسى مدام قساك هو غاية رضاي
لنه قساك ألذ من كل زادي

تركي الحبسي
صح الله بدنك تسلم على المرور والرد الطيب..
لا هنت لك جزيل شكري..