زمــن آخـــر

[عبدالكريم السعدي]

اليكم من دون مقـدمات مع الامنيـة ان ترتقي لحجم
ذائقتكم البديعـة..؟

ازيب مــــن العنــــا ماهزني لكن تحداني
==================وانا ياهاجسي تدري شعوري كيف خــربها

اذا قلت الهوى ماهو على اليـامـال رداني
==================اكيد ان القصد نزف الجـــروح اللي مجربها

تبعثرني الهموم اللي هذاك الامس ترجاني
==================وانا متحسبن نفسي ثرى الخطوات حاسبها

اجي واتعثر بصخرة ظنون[ن]جـات تبلاني
==================مع ان الازدواجية فــ لـب الراس ســاحبها

اذا مــــ المنطقية شي واقع كيف تنصـاني
==================وانا ما عربد افكاري ليا من غاب صــاحبها

طبيعي واستراتيجي اصد الريـح لــو جـاني
==================مهذب سيرتي من قبل ما نفسي تهـــذبها

ترا لو افترش رمــل احتياجي صعب تلقاني
==================امد الـــ حاجتي كفن واذل النفس وانكبها

لاني عارف[ن] مبـــدا شموخي كيف خلاني
==================لذلك كثر ماعــاني تجي الاحزان واشربها

احب الام وارخص هـ العمر دام العمر فاني
==================ولكن ما أخلي ذا الخضــوع النفس يسلبـها

انا ياموطنـي عـابر سبيــل وجيتــلك عــاني
==================عسى وادري العسآ ماتصنع رجال[ن]تباهبها

عسى ياموطني حضنك يطفي جمرة اشجاني
==================مـدامك سيــد شتـات القلــوب اللي مغــربها

أئـن ومالقيت إلا الانا والخـــوف واحــزاني
==================وانا بعــض المعـاني تلبس ثيابي وعـذربها

نعم والمشكلة ماهـي نعم ويمــدها السـاني
==================لأني من بديت احبي حبيي والنعم شاربها

الينـي وصلت عمـر الانيــن ابــوي وصـاني
==================وقال الارض ياولـدي امانه اخلص وحبها

وانامن يومها معطي الارض نبضي وشرياني
==================الين استنزفت اخـــر عروقي في تجاربها

اناديـها انـا مغـــرم انـا عــاشــق انـا عــانــي
==================وربي كثر مانادي الوجوم النفس اغصبها

اماني واندثــر حلــم الاماني تحت سنــداني
==================ولكن وش يجي نثر الامـاني عند غاربها

اشــوف ومـا أشـوف إلا الحيــاة بعين جداني
==================تبسم وان توسمــة الامــل تهدم مضاربها

هــذاك وفلسفته ان الفقيــر بنظرته جــانــي
==================كـأنه مــا انولــد إلا وهـــو دنيــاه راكبـها

بشر واحنا بشر لكن بشر في دير سجــاني
==================نـون مثل العجوز اللي امس قد مات شايبها

نغني نصفــق كفـوف ٍ ابد مـا حسها جـاني
==================ولكــن وش علينـا دام تصفقهـا مصـايبها

امــل واستوطن بشجرة اماني جذعها ضاني
==================لان بجبهة ظنون الامـاني ضيــق ضاربها