ســكــــر الشوق

[خليفة الصائغ]

المشاركة الأصلية كتبت بواسطة هيثم العيسائي

لقلوبكم هذا النص المتواضع

مريت حلمك أصحي هالوطن لجلك
وأتثاءب الليل وأتساقط على بابي

وعلقت حلمي نوافذ عشق تفتحلك
وضميت صدرك أغاني شعر بكتابي

ورميت نردك عشان الكل يفرحلك
يمكن تلاقي دفاك بلحظة أغيابي

مريت دربك أثاري الجرح يضحكلك
يجرح خفوقي أنين ويلعن أسرابي

يا مطول الليل هذا الجرح يقربلك
تعال ضم الخفوق وعاتب أحبابي

مريت حلمك مدينة ذنب تغفرلك
وأنت السحاب البعيد وحولك أهدابي

مريت صدر المكان وجيت أهمسلك
يا سكر الشوق يا الباقي من أصحابي

يا زحمت الحب هذا الليل يسهرلك
يفتح ضلوعه دفء و الباقي أتعابي

يا فاطمة عشق جيت اليوم أسبحلك
يكفي غيابك سنين و مغلقه بابي


هيثم العيسائي

صح لسانك ...

لوحه فنيه جميله ورائعه

عجبتني وايد

شكرا اخي هيثم على هذا الاحساس الرائع

دمت بود