الارض ما عادت تدور!!!

[خليفة الصائغ]

المشاركة الأصلية كتبت بواسطة علي المقبالي

السلام عليكم واسعد الله مساءكم وصباحكم


الأرض ما عادت تدور!!!

الموعد اللي جيت له وش دهاني؟!!
ما جابني الأ ثقة نفس وغرور

من بعد ما قضّيت عمري أعاني
واوقد على بركان في صدري يثور

أعلنتها توبه سرت بالمحاني
وتركت خلفي موكب الغيد طابور

أقبلت للموعد وانا شخص ثاني
يسوقني له شور.. ويردني شور

لين أقبلت عطر ونسيم وأغاني
تمشي وتتبعها فراشات وزهور

وقّفت لحظة شوفها في مكاني
عاجز وصار الكون نور(ن) على نور

كنّ الزمن وقّف ع ذيك الثواني
يعني كأن الأرض ما عادت تدور!!

شعور يعجز عن وصوفه لساني
لا والله ان الأمر اسمى من شعور

تعجز احاسيس الشعر والمعاني
عن وصفها وآنا عن الوصف معذور

ما مر باحلامي ولا فــ الاماني
إني على هالارض تلقاني الحور!!

ومن يومها همّي كبر واحتواني
أبني قصور.. وأهدم بعزمي قصور

عقل(ن) حكيم يذود قلب(ن) أناني
وعيونها والخوف من ربّي حضور

ناديت يا من زلزلت لي كياني
خلّي الذي بالقلب مخفي ومستور


يا مركب مضيّع دروب المواني
ما في المواني غير غادر ومغدور

ويا واحة النّسرين لو ما عشاني ..
عشان ما نبني مداين من الجور

أرجوك خلّينا بلا وعد ثاني
أخافني لا جيت يتهدّم السور

أكيد ربّي في هواك ابتلاني
والّا الصقر ما يوقع فإيد عصفور



...
..
.

الشاعر علي المقبالي


هنا الشعر لها احساس ومذاق خاص

شكرا لك على هذا

ودمت بود

[علي المقبالي]

المشاركة الأصلية كتبت بواسطة الصائغ

الشاعر علي المقبالي


هنا الشعر لها احساس ومذاق خاص

شكرا لك على هذا

ودمت بود

يا صائغ الشعر باتقان ورقي وحرفنه
أقبلت والطيب أقبل مثل نهر(ن) يسيل

يعني كأنك غيوم(ن) تمطر الأمكنه
افز واقف واهلّي بالكريم الاصيل


شكرا لك اخي الصائغ من القلب

ودمت قريبا عزيزا غاليا

[خليفة الصائغ]

المشاركة الأصلية كتبت بواسطة علي المقبالي

يا صائغ الشعر باتقان ورقي وحرفنه
أقبلت والطيب أقبل مثل نهر(ن) يسيل

يعني كأنك غيوم(ن) تمطر الأمكنه
افز واقف واهلّي بالكريم الاصيل


شكرا لك اخي الصائغ من القلب

ودمت قريبا عزيزا غاليا

صح لسانك صديقي ..

انت جميل اينما كنت

دمت بود