شارك بأجمل ما قرأت من شوارد الشعر ......

[مختار السلامي]

من صاحب القمرا الى خاف معذور
نور القمر من دونه الليل شفاف

اخاف انا من ظلم شهٌادة الزور
وانا ادري إن ثيابنا بيض ونظاف


/


ليلة شديد الرمل..جتنا ركايب
من الشمال..وبركت بين الايام

طوي التراب وشل فوق النجايب
والجو ثارت به معاصير وعسام

علمي بوجهك فـ اسود العج غايب
والريح تدفعني وانا مالي اقدام

لولا الشجر..شدت غصونه نهايب
جلدي وثوبك قلت انا وانت الاوهام

لا خيمة..لا طنب لا صوت شايب
لا صرخة.. لاطفل لا كحل وزمام

طاح الرواق وطاح حلم الحبايب
لا ناي في روحي غدت روحي حطام

ما غيرها ضلوعي فــ صدري حطايب
وشم الجروح اللي بكبدي من العام

ان كان ذا قبري فـ ابي له نصايب
قبر الورق خلوا شواهده الاقلام

يامعمر الدنيا عمارك خرايب
ما حدٍ ورث جدرانها غير الايام

العمر شدة والليالي ركايب
والرمل يمحي الرمل والموت قدام




الامير بدر بن عبدالمحسن