من بادي الوقت للأمير خالد الفصيل

[سالم الوشاحي]

من أجمل القصائد المحببه لقلبي قصيدة للشاعر الامير خالد الفيصل من بادي الوقت

مـن بــادي الـوقـت وهذا طبع الايامي
عــذبــات الأيــام ما تــمــدي لـياليهــا

حلو الليالي توارى مـثــل الأحــلامــي
مخطور عني عجاج الـوقـت يـخـفـيها

أسري مع الهاجس اللي ما بعد نامـي
وأصــور الـماضـي لنفسي واسـليهـــا

أخالف العمر وأراجع سالف أعوامي
وأنــوخ ركــاب فـكـري عـنـد داعيـهـا

تــدفى عـلـى جـال ضــوه بارد عظامي
والـمـا يـسوق بـمـعالـيقـي ويـرويـهــا

الا صـفى لــك زمــانـك عـل يا ظامــي
اشـرب قبل لا يحوس الطين صافيـهـا

الوقت لو زان لك يا صاح مــا دامــي
يــا سـرع مـا تـعـترض دربـك بلاويها

حــتى ولـيـفـك ولـو هــيّـم بـك اهيامي
ســـيور الأيــام تــجــنح بــه عــواديها