حبني بالغصب

[جاسم القرطوبي]

بالغصب حبني

طبعا الكل بيقول إن في الكون أشياء مستحيل نتحكم نحن فيها لأن علمها في طيب الغيب ، فمستحيل إن إنسان بيقول بكره الساعة كذا بكون مريض .. ومن المضحك أن يطلب شخص أن شخص يميل بمشاعره وعواطفه له بس كيف الحال إذا آمره أمر أنه يحبه مثل ما آمره الآن وعليه الامتثال .. تابعوا أبياتي الآتية وإن شاء الله بتقدروا السبب ...

ما قول تسمح تحبني ، بالغصب حبني = وذوب فيني شرات البن بفنجاني






لي شفتني جيت إركض حيل واحضني = أو شفتني رحت إعزف نبرة أحزاني






مثلي أبد مول ما تلاقي من الجني = حاشا ولا في دلالي تنظر انساني



مغرور صح دام إنك واقع الظني = يسقي بجوفي غرامك نبض شرياني




تعال نسرح ونمرح دوم ونغني = إحنا العصافير في أوراق أغصاني




تعال نغدى قمر لليل ونحني = كف الحبيبين من آهات أشجاني






نرجع شرات الطفل لي نام متهني = منظر حسن يلهمن رسام فناني





واجب علينا الحسد يا زين مشجني = والصبر مفروض في آيات قرآني









اسمع نبا خافق ٍ يحلف ولا يثني = أهواك والله إلى أدراج أكفاني