لـــدغة حبـــــايب

[جمعه المخمري]

البـــــارحة سجيـّــــت بين المــصـــــايب
والــروح تبــلى وجـــرح يكـتب قـــدرها

محدن على الضيـــــقات بالوقت... طايب
والنــــار تخــمد... بس يبقى.... جمرها

تطْـــــلبه ...أو يطلـــبك وقت الغـــرايب
الله من دنيـــــا عسيـــــر(ن) أمـــــرها

ما اقسى على المجروح لدغة حــــبايب
أشـــــد عن ســـــم الأفـــــاعي بجحرها

الاضـيق من هــمووومٍ غريــم الرحــايب
إنك تشـــــوف الناس تشــهر غـــــدرها

ترحل بي الأفـــــكار والـــــفكر خـــــايب
لاسجّ بك في أحزان عاثــت غـــــزرها

من يرتــوي من بــــحر عاف الــشرايب
عينـــــه على مـــــزنه تهــــل بمطــــرها

لوّك تشوف الحـــــزن بعـــــيون شــــايب
جـــــارت عليه الايــام سلــت قـــدرهـــا

يمشــــي يتعــــثر. هل دمــــعه ســــكايب
والفرحــــه محــــظوره وحظه كســــرها

يصّـــــد عن نفســـــه كـــــبار الـــّرغايب
قلــــه معــــه واحــــلامه يـــاهي شكثرها

الـــزم خفـــوقك لـــو... ودك طـــــــلايب
وش فــــايدة أرضك بقــــلة شجــــرها؟

المــــاي عزمــــك لا نــــضب بالـخرايب
تبقى جـــــذوع مجـــــّوفه في ســــدرها

يا غارسٍ في الارض مـــــّكر ولعــــايب
الـــــزرع مـــــا ينبـــــت وترجي ثمرها؟

مثـــــل الذي يشـــــكي سمـــــوم اللهايب
طايـــــح بــحفره حضـــــرته قد حفرها

والشوق لوشفته على الـروووح ذايب
يغـــــرف من الطيبه... ومحلا عطـرها

أما الشقـــــاوه سـاس كل المصـــــايب
تنبــــت على الارواح شــــين بغدرها

الاحـــــلام تذبل يوم تجـفى القــــرايب
تطــــعن خفوق اللي حملها فـــصغرها

آروض اظنـــوني واشــد الـــركايــب
وأرمي الشقاوه بسهم صبري فصدرها