وخانتني...

[يقظــان الشهيمي]

السلام عليكم...

نص من ضمن سلسلة ( تراجيديا الجنون)


وخانتني....


يصف الهم في دربي إذا ما حل بك طاريء***خريطة هالفراق اللي تضيعني بدون بلاد


رصيد أبيات أكتبها وتشحث جرّة أحباري***شفاتي من الضما جفّت ولا ذاقت شحاح الزاد


يناولني الحزن كفه عذوقه من الترح شاري***وتقطفني مواعيده على سرق القلوب إعتاد


وأنا مثل الفقير اللي تستر بالغنى عاري***أبلّْ من الجفا طيفه وأكحل بالعيون رماد


مثل ما كنت أنا أحكي رفضت أقدم أعذاري***لأنه من الوفا أصلي بياضٍ بالوجوه شهاد


تيتّمت الهوى عقبه وضاعت دبلة إيساري***حسبت أنه يخليني مثل تاجٍ فرأس الساد


تعبت أضيّع الخطوة بقحطٍ يسلب أمطاري***متى ما عانقت صدري بكتني لذة الأكباد


مدينه عشق أنا صدري وبلقيس الهوى أقداري***عليها ما تساومني بنات العالمين أعداد


نعم عشقي أنا قصة عجز مجنونها يباري***وقيس اللي عرفتونه سهر ليل الغياب سهاد


تضيّفني تناهيده ألم تلظى الصدر ناري***عواصفها غياب وضيق من جمر الخفوق إرتاد


وقصة هالعمر عاشق خبرتوا ولا درى داري***ويمكن ل بغى يحكي يصيب الأجمعين نواد


يقظان الشهيمي