نصفي الثاني،

[أنور السيفي]

السلام عليكم ورحمة الله وبركاته..
اخواني الاعزاء ورواد هذا الصرح الراقي
بما تجود به خواطركم من مشاعر
تثري جنبات هذا المكان الجميل
للقاء معكم وصف آخر
حروف عسى ان تجد لها في قلوبكم قبول
بأذن الله
احترامي وتقديري

ألا يانصفي الثاني دخيلك تعصري قلبي
تشيلي دمه الحاني تصبينه بشريانك
وتسلي مالحزن واسلا مدامك تحتري دربي
نعيش اثنين في دنيا غدت هِي روعة احضانك
وأنا هاني بعد عمري أريدك دايم ٍ جنبي
اسولف مع حلا اخدودك واناظر قصة اعيانك
وتطفى حدة اتعوبي وتهدا مالشقا حربي
تقولي اشلون ياروحي مدامه سالمه اوطانك!!
سؤالك دغدغ اشعوري ونود ٍ مالخفا هبي
ارد برقت اسلوبك واجاري نبض تحنانك
نسيتي واري اشواقك مرضتي وجاز لك طبي
سريت الليل بحساسك وصان القلب عنوانك
سوالفنا شرى غيمه تسافر دوم وتلبي
هوانا، كل ماجاد الحنين ودق بيبانك
وانا بحرك ولي مرسى فوادك يادوا كربي
وعودي واضحه عندك وشوف القلب ماخانك