أخجلتني

[صلاح الطالعي]

أخجلتني يا صاحبي وش تبيني
كل الظروف اللي تجي هي عليها

لحظة تلاقينا في بالي تجيني
ما عادني شايف أحد من يجيها

حسن وجمال وقلب صافي حنيني
يعجبني فيها ساعة المس يديها

كنها تناديني حظر وسط عيني
الحال مثلك و المحبه أبيها

قلت العذر يا بنت قلبك يبيني
ولا لسانك هو حكى بس فيها

قالت حياتي لك تفضل يميني
و الرب شاهد في كلامي تبيها

الكذب خيبه يا بعد من تبيني
الوعد لك والروح تم لك خذيها

#صلاح_الطالعي

[أنور السيفي]

أماني لك التوفيق ياجميل

دام ربيع تواصلك

تحية طيبة وورد

[عبدالله الراسبي]

اخي العزيز والشاعر القدير صلاح الطالعي ابيات في غاية الجمال
تسلم على هذه القصيده الرائعه
وننتظر جديدك هنا دائما
ودمت بكل خير وموده اخي الكريم

[صالح السنيدي]

صلاح الطالعي

لحضورك كل هذا الجمال

تحياتي لحرفك

لك التوفيق المصاحب الدايم