عشق التبعثر

[مسري العامري]

عشق التبعثر

ما اصدق كيف راحت الليالي الماضية
وكيف نرضى بكل سهوله ينتهي الحب ويهون
وكيف صار الحب ريشة في الرياح العاتية
وكيف صارت كل بداياتي نهايات محــــــزون
وكيف يعشقني التبعثر والظروف القاسية
وكيف حظي ينكسر وينام في صمت وسكـون
والسبب غلطة بعدها ما بقتلي باقية
يوم صوّرتـــك بعينــي ألــف لون وألـف لـون
كنت احسب الحب روضة وانت فيها ساقية
وكنت احسك في عروقي نبصة القلب الحنون
كنت اشوفك في عيوني والدموع الباقية
صفحـــة احــلامي تخططها رموشـك والعيون
انتهتبي كل حكاية في طريق الهاوية
وانتهتبك كل حكاياتـــك على شـــط الجنــــون
كان تفكيرك طفولي منحصر في زاوية
وكنـــت احــاول افهمــك ومااحاتي اللي يكون
وانزل بفكري واطوف كل فكرة ناوية
تجــرح سنين العمر وتخالف الفكـــر وتخــون
صدقيني ما قويت وانت كنتي قاوية
وانهزمت وطاح فكري والعبت في الظنـــــون
وانتهت كل الليالي والسنين الماضية
وما بقـى في داخلـــي إلا نهايـــات محـــــزون