نور الفجر

[الشيخه]

بسم الله الرحمــن الرحيــم


وآخيراا من بعد طول الغياب عن كتابة الشعر


جاءت ~~

(نور الفجر!!)


شفت الفجر وشلون بالدنيا يبين

والنور يقبــل عالمـــدى ويـــوزعه

ودي كذا كل ما فجــري يحيــن

أفتح عيونــي والفظ أنفاسي معه

أشتقت له والشوق أوجاع وأنيـن

كلما أهّــل الدمع كفي يجمعه

هالحب عذري والطهارة به تزين

والقلب جامح ما قويت أسترجعه

والشعر بابن أطرقه طرقه ضنين

معتل حالــه مالقى من يسمعه

حتى خليله قاسين لا ما يليــن

يحسب نسيته وأنـــا روحي تتبعه

بعض المشاعر فالمفارق تستكين

وأنا خفوقي له يجــدد منبعــه

كلما ضماه البعــد أرداه الحنيــن

وكلما رحل لبعيد شوقي رجعه

أتوسد الاهــات ودموع السنين

وحلوم ليلـي ما تفارق مضجعه

كنه بقربي والمسى به يستعين

ياخذ من انفاسه عبيــر ويجرعه

تزدان به دنيــا وتــحلو به ليـــن

يختــل كونــن مع جهاته لاربعــه

من حــلا ذاك المحيا والجبيــن

والزيــن قربه ما تحــدد موقعـــه

ويمر بي ليلي مع بذور الحنين

ذا لقلب أرضن والـمشاعر تزرعه

أخاوي النجمات والجـرح الدفيـن

وكل يوم شوقي له يجدد منبعـه

وهــذا انا كلـما فجـــري يحيــن

ودي بقربــه والفــظ أنفاسي معه