دام الهوى موضه

[عيسى المهري]

صباحكم / مساءكم

غلا وتقدير

//

دام الهوى موضة

كنت الغـــــــلا كله على اقـــــــــــــــل تقدير
ايه والله اغلا مـــــــــــن غلا الروح عندي
،،
ياما عليك الرجــــــــــل تعبت مــن الــسير
وياما دموع العين ســـــــــــالت بخـــــــدي
،،
ما صــــــــــار مني يأريش العين تقصـــير
ياغير واصل مـــــــــــن عنى الود حــــدي
،،
وان صـــــــــار مني يامنى الروح تأخــير
صـــــــــــرنا أنا والروح وياك ضــــــــدي
،،
قفلت بيبان المحبه عـــــــــــــــــن الغـــير
وان غبت لحظه يالغلا باح ســــــــــــــدي
،،
كنا على ما قيل قصـــــه وتصــــــــــــوير
وكنا على ماقــــــيل للحـــــــــــــلم وردي
،،
واليــــوم دام انك على حــــــــــــــد تعبير
قلبك وعينك والهــــــــــــــــوى في تردي
،،
ودام الهـــوى موضـــــه وغلطه وتمرير
واللي جـــــرى بالأمــــــــس عادي يعدي
،،
ودام الزمـــــــــن غـــايه ومطمع وتبرير
درب الســــهاله ويـــــــــن يبغى يــــودي
،،
وبكل الوقاحه قلتها حـــــــــــــــــب تغيير
ما عاد تعنيني ولا أبغيـــــــــــــــــك ودي
،،
لك ما طلبت وكل ما قــــلته يصــــــــــير
ابعد وانا ابعد وافــــرض البخت صـــدي
،،
فالك هـــــــــوى بالك وأنا فالـــي الخير
ما فيه داعـــي للغلـــــــــط والتــــــحدي
،،
والحمد لله يــــوم عـــــــــــدت على خير
والا شــــــكلها الســـــــــــالفه ما تعدي
،،
والوضع دام انـه طريقـــــــــــــه وتدبير
ما حط نفسي بين جـــــــــزرٍ ومـــــــدي
،،
ودام القناعه كنز ماحــــــل واطـــــــير
أفرش فراشي وألبس الثـــــــوب قـدي
،،
ومن حكمة الخالق تــرى الدين تيسير
كــلٍ على قــــدره فروضــــــــــــه يأدي
،،
تبقى الأمــــور العـالقه داخــــــل البير
صدقني انها بس وقـــــــــت وتعـــــدي
،،
تذهب شراة الحلم من غـير تفـســــير
أضــغات حلـــــم لا تجـيب وتـــــــودي

دمتم بود

عيسى سعيد المهري