حكاية حلمي الأول

[أنا الدرة]

لـــم تكن دره شخصية حقيقية ،، لكنها كانت ذاتي الصغيرة التي راودت ذهني النائم ليلة أمس ....


أترك قصيدتي لكم واتمنى انكم تشاركوني رايكم فيها



طفلة ً وسط الظلام والسحب تسكب غزير
طفلة ً مدّت يديها تجمع شتات المطـــر
ربي أغناها بحلاها وعقلها توّه صغيـــر
داعبت أمطار ليلي لْي بدى وجه الفجـــر
كانت تسابق خطاها كنّها ذاك الضرير
كنّها شخصا ً مايدري وين هو درب السفـــر
طفلة ً تجمع مطرها ودّها تسقي الفقير
ودّها تروي ضماه وتسقي كل زرع وشجـــر
من هنا تجمع بكاس،ومن هنا شيّا ً أخير
ومن هنا حطّت كؤوسا ً علّها تجمع مطــــر
طفلة ً كلها براءه،يمه هذي الطفله غير
في ملامحها الطفوله ، والسعاده في الثغـــر
تبتسم ويفرح فؤادي،والقى هالعالم كبير
رغم أن الدنيا صارت:في عيوني هالكبــــر
يمه هذي الطفله جنّه،والله منها آنا أغير
جـــل َّ من سوّاها قصه في حكايات القـــدر
شفتها تجمع مطرها وسط هالكف الصغير
والمطر يملي كفوفا ً ويملي إيديها الصغـــر
جتني وبيدها مياه،،تدعي ربي وتستجير
علّـــها تفتح عيون اللي فقــد معنى البصـــر
فتَّحت عيني يايمه ف حلم توّه بس يصير
طفله ابحسن الجمال والوصف ماينذكـــر
فتحْت عيوني يايمه وانا أسأل متى بتصير؟
هالطفله مثل دره،متى هالطفله بس تكبـــر؟
متى هالطفله بلقاها؟ومتى يصبح لقانا غير؟
يايمه أحسّها وهما ً وهي بالدنيا مثل الســـر
صحيت وآنا مبتسمه وبدى ياخذني التفكير
ودريت انه مجرد حلم وعقلي بحلمه يستفكـــر
حكاية حلمي الأول بدا من طفله مثل الطير
وطار الطير يايمه وشايل حلمه مثــل الســــر
رحتي يا دره صغيره ويحفظك ربي الكبير
دره ياللـــي علّمـــتني كيف أعامـل هالبشـــر