كلّ حزن أدري معآه ان القصايد راح تكثر ،‘

[فاطمة العامري]

::
.
يآ شوق يكفي بسسس، لا تزعجني
شف كيف شوقه ما ذكر طآرينا؟
.
مآ كل من يزرع يحصْد ويجني
احنا زرعنا حب .. وهو يجنينا
.
طيفه يلاحقني وحبه سجني
وآآنا وانته مقيّدة أيادينا
.
مابه أمل يصدر عفو ويخرجني
ما غير خيبة حبنا توآسينـا
.
صورتْه في عيني بْـ ألم تحرجني
وعيون خلق الله اتشّمت فينا

[فاطمة العامري]

يآ كل الناس في عيني وعارف

بدونك كيف هذا الكون يفضى ..

.

تجي تحت المطر وتقول آسـف

طبيعي أصفح لـ قلبك و أرضى

[فاطمة العامري]

::

تفارقنا وخيالي ما نسى عيونك
أبي أنساك لكن قلبي مب رآضي
طلبت القهوة اللي تحبها دونك
وعيني سارحة ع الكرسي الفاضي