تجـــي نرحل ..

[احساس طفلة]

السلام عليكم والرحمه ..





لقلوبكــم الطاهره ..










كثيرا مانحتاج للسفر بعيدا ..
دون العالم ،،
ودون الناس ،،
نحن فقط ..
نحن واحاسيسنا الجميله ..







تجي نرحل من الدنيا ونفتح للغرام آفاق..
نسافر دون هالعالم ونكسر خوفنا فينا


نودع هالحزن مره،عشان لْجرحنا يشتاق..
ونترك للفرح فرصه يغيض الناس ويجينا


انا وانته وامانينا وحرف ٍ مـ البعاد اعتاق..
مهو مصدق تجي ثاني من اوفى عشق تروينا


واقلك ليش بكـيته وهو حَـبك من الاعمــاق..
واحس بْـ دمعتك تنزل على غلطات ماضينا


واعاتبني على حزنك واكفكف دمعتك بـارفاق..
واقول انــسى مدامنا تحملـّـنا وحبــينا


تجي ننسى،تجي نقسى على جرح الهوى لافاق..
ونكســر عزّتـــه وذاته اذا فكــّر يبكـّينا


تجي نحلمـ ، تجي نحيي الهـوى بمعاند العشـــاق ..
تجي نرسى،ابــى نرسى.وانت اختار لي مينا


تجي لامن تزاعلنا,, تخيلنا القلوب اوراق..
وكتبــنا بفرحنا فيــها "تزاعلــنا وتراضينا"


ولامن لوّمــو فينا، نقول:اخــوه او انّــا رْفاق..
ونكتم عشقنا فيـــنا ولا الحســّاد تنهينا


وتجي نضحك على قلبي،نقول انــّا نوينا فْراق..
ونرحّــم دقـّته وْ ضــعفه الا منا تلاقينا


وتجي نتجاهل ان الحب نصيب وْقسمـة ٍ وارزاق..
لانّـــا وان تفــارقنا محــال تموت امانينا


محال انســى مشاعرنا،جنون الحب والاشواق..
ومحال انك بعد تنسى محبتنا واغانينا


دخيــلك خلنا ننسى،مدام انّ القلب تــوّاق..
ومدام انّ الوله يفضح/هوانا بلهفة ايدينا


ابينا بهالشعور ارقى،بلا هم وتعب وارهاق..
بلا حكي وغزل زايف/بلا ذنوب ٍ تواسينا


وابينا لو تباعدنا نصون العهد والميثاق..
يكـفّــي لاتذكرنا محبــتنا وليالينا


وصدقني ترا ارحم نحس بهالغرام اعواق..
ونموت وصدْق نتألم ،ولا ذنوبه تقــسـّينا





اختكم ،،
احساس طفله