وصــــــــــــــــــــايا العـــــــــــــــــــود

[محمد الهنائي]

ْ
ْ
ْْْ
عسفت المجد في يدي ورسيت القواعد حد
وخطبت العز فالدنيا مدام انه الجسد للدود

وانا لوخطت ايميني حروف القافيه والعد
ابد ما خطها الا على نقوة فعل معدود

حروفي ترسم الواقع تطرزها معاني الجد
وصدقي ينسكب فيني وانا اللي قدها وقدود

مدامي مرتعي العليا وتغازلني اباً عن جد
ابخطب جملة افعالي وبرقى مالثريا اسنود

لاني وارث امجادي من اللي مايصعر خد
ولاني ماخذ الطيبه وصيه من وصايا العود

ابوي اللي اذا يذكر باسمه هالمعالي ترد
نعم سلطان من اسمه تزلزل هالمعاني ارعود

على كفه نبت عودي سقاني من غياثه وشد
حفر في داخلي نخوه علت والعالمين اشهود

واذا لعربان تتفاخر بأصول المفرعات تمد
انا تفاخر بأن اسمي ابد لا منوجد له حدود

مدامه مالكٍ جدي زعيم المرجله فــالازد
ويتبع هالنسب فيني الى نطفة نبينا هود

ابكتب شعري بنفسي ولزوم ابلابتي اعتد
وترى لاخير في قافي اذا ماعاد لي بردود