"قوم ذاكر ... إمتحان"

[فهد الأغبري]

كان الإمتحان صعب
والحمد لله على كل حال و..

ما بقى غير إمتحان .. واطوي الغربة وأروح
أدري / أسرفت ف غيابي عنك .. يا أغلى مكان

حاجتي للوحدة أحيانا عشان انسى الجروح
دام عيا القلب يعطيني عن الذكرى ضمان

اييييه / وأشواقي تجاه الغايبة عني تفوح
رغم إحساسي باني ف حضن جارتها بأمان

لا يهمك لو بكيت بشدة .. وسرت بجموح
خوفي الاحلام تخذلني بعد طول الرهان

نبتسم ..حتى نخبي شكثر ف الغربه ننوح
ندفع لأيامنا " الغالي " ولا نلقى أمتنان

آآآآآه يا رجل .. بقت في ناظره حاجة تلوح
ما طلب إلا يقينه .. يكون له شاهد عيان

رغبتي كم جيت أداعب ثغرها وعيت تبوح
تشتعل في داخلي وخوفي يطفيها الزمان

من يخلصني من قيود الدراسة والشروح ؟
ودي أكبر في عيونك يا وطن .. علم ولسان

كل ما تاهت أمانينا .. أهتدينا للوضوح
مثل ما الضيقة تحسسنا بحاجة للحنان

ما دفعني للكتابه .. ورغبتي إني أروح
غير وخزات ف ضميري"قوم ذاكر ... إمتحان"