من جبين الشمس طااااايح..؟!

[أنور السيفي]

السلام عليكم ورحمة الله وبركاته..
اللقاء ذنب لايعرف التوبه..
هكذا شوقنا لمصافحة قلوبكم
حضور بعد غيبه تلتمس العذر..
يهمها تواجدها بينكم..
احترامي وتقديري

من جبين الشمس طاااااااايح..؟!
اسمحيلي مقلتي..
هذا تفكير ٍ عبرني واتبعت له
اسئله..
الصفا والنور آيه
للحسن
وتعددي..
ياوصوفي في مدار الأستواء
بمقدره..
كن حلم ٍ في خيالي
بس ذا مايستوي..
واقع اتحسه دروبي وانتثر
في داخلي..

الهوا بارد مهبه واغتشى الدنيا بخور
انعش الوارد لدنيا بعد غيبه مزمنه
غيبة ٍ غطّت مساره مرّها سير الشهور
تعرفه ضيق المعابر وانزواء الأمكنه
سلفيني يازوايا،، يامتاهات العبور
خط سير ٍ اهتديبه كان هذي ممكنه
ماسمعتَلها هدايه.. ماتماشت لي حضور
لي متى ياحظ حالي خوف أني أدمنه..؟!
كل هذا ماألومه لو غدا الخفاق طور
ينتهي قرب الثريا في حدود الأزمنه
لمنيّ ياورد تكفى لو تحاملتك شعور
نبض مافارق خفوقي لو تبيني اضمنه
دنيتك هذي غريبه لفها ياذوق سور
ما تجارييه الأماني كل شخص ٍ أمنه