نناطح كل عايل بالوشا يلمس اياديها

[محمد بن ضحي]

.. مطمع العرسان..

على هام السّحب نرقى ونبصم بصمة العرفان
لجل ارض ن حوتنا بالسّعد والرب حاميها


بلد حشمه ونامــــوس المفـــــاخر تجبر الأوزان
تسيّل هـ القوافي لــــين ما تسقي فيافيها


موارد للعطـــا والطيب والنخـــوة ورفع الشان
أبد ما تنضب أحواض المفاخر لو بنحصيها


بلاد ن كنها الجنّــــة شواطي خاشمــت وديان
تسوق علوم داخلها و عـ الساحل ..تغنيها


مواويل الفخر ، قصّـــــــــة: سفينة قادها ربان
تهابه موجة الصّحوه وهو يدري خوااافيها


يعلّمنا المـــروّه والشّهامـــه وفالقلوب اخـوان
(ننــاااطح) كل عايل بالوشا يلمس اياديها


نعم قابوس تفخر به المكارم يوم زان عمـــــان
ولبّسها وشـــــاح العــــز قاصيها ودانيها


نعم قابوس حلحيل ومحنّك صيرمي سلطــان
تعلّى عرش أجداب الفكـــر وأنبت روابيها


نعم قابوس لي يحصد مزارع خبرة الازمـــــان
ويــزرع زينهـــا فـ أجيال والشينه يمحيها


نعم قابوس لو بجمع خصالك لين ذكــــر الأن
حرام ان ما بوفي دمعة الفــرحة يا كاسيها


يا قايدنا لهام السحب ودي ابصم العرفـــــان
وامغي للوطن حنّى القصايد وأنت حنيها


عمانك سيدي أجمل عروس ومطمع العرسان
وأنت المعـــرس اللي جزّر أيامـــه يداريها


لأجل هذا فدتك ارواحنا شيب ونسا وصبيـان
مـ غير تـأشر بأيدك حشـــيم وما نوطيها


بقلم:
محمد بن مرزوق بن ضحي