اتمنى تثبتولي قصيدتي هذي.....لأنها قسم بالله بكتني (حقيقية)

[راشد الهنداسي]

' الحب '
٣-١٠-٢٠١٢
الشاعر: راشد مبارك الهنداسي

الحبّ يسري في عروقي مشاوير
لين أصبحت تسكن عروقي جميلة

خايف تكون القلب وتشكّله غير
وتصبّ أشعاري قصايد جزيلة

دام القصايد ما بها أيّ تكسير
ما جات حبّتني جميلة بديلة

بفرش بساط الشعر وأدهن به السير
واكشف أثر أقدامها تنتهي له

توقف على بابي وانا كنّي آمير
وتحضن عباة الشعر فيني سديلة

تهمس بإذني مثل صوت العصافير
وتطير بنفاسي عليها وسيلة

وتلوح ايديها ونا قولها ' خير '
ويرد نبضّ القلب : ' ما فيك حيلة '

ياصاحبي , وش ل البنات الغنادير ؟
لامرّهن طيفي ، تضايق سبيله

أدري م عاد تهمني فوهة بير
إلا إذا ألقى عباته وشيلة

واتذكّر الماضي وحنّا مساهير
صاح القمر لاشاف طاحت جديلة

آضمها بيدي ونا خايف يغير
يترك حبايب في دجى كل ليلة

يا شمس تو الناس ، ما طار لي طير
ما شوف في آخر زماني مثيله

لاني وجدت الحب والشوق والخير
في آخر شفاة الغرام الطويلة

هدّي شعوري ، لو وفيت التصاوير
لكن بعد ما عاد توفي جميله

يا صاحبي ما جات زلة و تقصير
منه ، ومني غلطتي مستحيلة

سافر’ عسى أن سار يذكرني بالخير
ويقول: لي حي(ن) زماني قتيله

يمسي يقبّل كف أحلامه سهير
يصبح ينادي للسراب ف مقيلة

يا صاحبي مالك تزف التباشير ؟
قلّي عسى أنك تلاقي دليله

ويقول لي: عذرا دعيتك بتآخير
وآكن لك دعوة زميل لزميله

موضوعها شهر العسل والجماهير
واما حبيبي صار بعدي خليله !!!