الاحلام الزايفه

[راشد الهنداسي]

المشاركة الأصلية كتبت بواسطة مبارك سعيد الغيلاني

تـدرون لـوتدرون وش يعني وهم؟!
مــا كان سرنا لــلاحلام الزائفه ~

يعني بلا قوس(ن) اصوب به سهم!
وش فايدة سهمي ونفسي خايفه؟ ~

حدن فهم قصدي وحدن مـــــا فهم
وحدن على عقله تدوس سفايفه ~

اعني قبل ما يشهدوا بأني شهم
احسب حساب المقبله والطايفه ~

غير البليه والحقيقه بأنهم
ماهم مثل نفسي بغيري رايفه ~

أصبحت ما بين الخلايق متهم
وأمسيت أميـز طائفـه عن طائفه ~

عندي المهم يصير من عقب الأهم
وعيون خلق الله عليّه شايفه ~

واليوم وقت النوم قلبي له دهم
مثل السهم والليل في نصايفه ~

كأني يتيم(ن) في طلب أمه نهم
ولا جمل يرغي بعد ولايفه ~

عصفورة أحلامي تركناها لهم
طارت بعد عش الغصون النايفه ~

طارت ولا ذاقت مشاعر حبهم
ولا وقعت فوق القميم الهايفه~

يـــــ الله يا ربي اللطيف وربهم
يـــ الله يا رزاق نفســـي عايفه~

ودي بشـــوف اللـي تبّعد قربهم
في قربها كـل الجـوارح كايفه~

دكتورة الاحساس قلبي ملّهم
ولا شفت غيرك للسعاده ضايفه~

كلمات: مبارك المخيبي

يااااااااسلااام ياااااااااسلااام
احب الشعر الي ينساب مثل الماء على ريق العطشان

يالس افكر هيش اكتب لك
ماعرفت

لاتعليق.....في ذاته تعليق

[مروه الجعفري]

مبارك المخيبي ...

صح لسانك .. و لا هان منطوقك ...

أبيات جزلة .. من شاعر جميل ...

اعجبتني .. القصيده ...

لا تبخل علينا بجديدك .. تقبل مروري ...

[مبارك سعيد الغيلاني]

المشاركة الأصلية كتبت بواسطة راشد الهنداسي

يااااااااسلااام ياااااااااسلااام
احب الشعر الي ينساب مثل الماء على ريق العطشان

يالس افكر هيش اكتب لك
ماعرفت

لاتعليق.....في ذاته تعليق

أخي العزيز الشاعر/ راشد الهنداسي

وأنا أاااااااااااااااااااااااااحب هالمرور الطيب


شكرا لك

[مبارك سعيد الغيلاني]

المشاركة الأصلية كتبت بواسطة مروه الجعفري

مبارك المخيبي ...

صح لسانك .. و لا هان منطوقك ...

أبيات جزلة .. من شاعر جميل ...

اعجبتني .. القصيده ...

لا تبخل علينا بجديدك .. تقبل مروري ...

أختي العزيزه/مروه الجعفري

صح الله بدنك وربي لاهانك


ماعليك زود

سلامي واحترامي

[خليل المعمري]

صح الله لسانك يامبارك
قصيدة جميله وجزله

[مبارك سعيد الغيلاني]

أخي العزيز /خليل المعمري

صح الله بدنك ولا هنت

سلامي لك واحترامي