ياللـي تـداري والهـوى مفضـوحـي

[محمود النبهاني]

يـاآسـري عيـَّتْـك بـعـضِ جْـروحـي
وانـت المـداوي مسقـمٍ أو صـاحـي

خذنـي بدربـك معْـك يحلـى نزوحـي
من دون طيفك عمري فـلِّ وراحـي

لاتحسـب الضحكـة علـيَ افـروحـي
الضـحـك مايعـنـي كـثِــر لَـفْـراحـي

والطير يرقص في الأرِض مذبوحي
مـاعـاد ينـفـع لــو بصـوتـه نـاحـي

ياللـي تـداري والهـوى مفضـوحـي
ماتـدري انـه العشـق لـك فضـاحـي

كـل الملاييـن اعْرفـت كــل بـوحـي
لـو تحجبـه مايخفـي الـف وْشاحـي

إسـأل يجيبـك كــل حـمـام الـدوحـي
واسـأل قمـر فـي نـوره الوضـاحـي

هـم اشـهـدوا مابينـنـا المفصـوحـي
هـم ادخنـوا مـن عطرنـا الفـواحـي

هـم اشهـدوا شلـي بنينـا صروحـي
واللهِ شـاهـد وش بــذي الأرواحــي

مـاكــان حـبــك لـعـبـةٍ ومــزوحــي
أو نــــزوةٍ أو كـلــمــةٍ تـنــزاحــي

يـابــو عـيــونٍ معسـلـيـة تــوحــي
بالحسْـن والوجـه الحلُـو الصباحـي

يـابــو خـــدودٍ مخمـلـيـة روحــــي
تنظـر بطيفـك مـن بـدالـي ولاحــي

أنـشِـدْك تبـقـى غـالـيٍ وطـْمـوحـي
أبقـى معـك واسعـد وانــا مرتـاحـي

خـــلِّ الـفــؤاد بـحـبـنـا مـفـتـوحـي
لاتـقْـفِـلـه وتـضــيِّــع الـمـفـتـاحـي

مــادام عشـقـك صـافـيٍ مـمـدوحـي
وانـتـه بـمـركـب حـبِـنـا الـمـلاحـي

هــذا كـلامــي قلـتِـلَـك ونْـصـوحـي
حـبــك بـقـلـبـي بــاقــيِ مــاراحــي