غرشة عطر

نسيت البرد يلعب في ضلوعي والسنين اجساد      وانا اشب الحطب في دفتري ويطيح باعصابي

حـبيـبي مـن مـتى وانـته نـسيت انك لعيني بلاد      بلا شـوفـك تـعبـت الـقى مـكان ٍ تـحت جـلبـابي

أمــر بــعالــم ٍ يـحسـب وجـودي تـكمـلة أعـداد      ويـسحـبني البحر .. والموج يتلاعب بأخشابي

نـطرتـك صارت الموجه سفر والشاطي الحساد      وصـار الـلي يـمرّونـي رصـيف ٍ يحضن عتابي

تــعرْف انـك إذا مـريـتنـي نـبضـي يـصيـر قـناد      واذا مـا حـرّكـت أطـراف ثـوبـك ذبـت بـثيـابـي

واذا عــديــت عـن نـبضـي أغـني لـلشـقا أبـعاد      واغـنّي لـك شـبيـه الريح والقى الريح باهدابي

تـعال ارمـي عـلى صـدري عـتاب الـذنب للجلاد      ولــك مــني وعــد صـادق ألـيّن قـلبـه افـبابـي

حــبيــبي يــا مـساء الـفل والـتفـاح والـفرصـاد      مـساء ٍ يـوصـلك من وين ما توصل لك ركابي

تـطمـن مـا رحـل عـطرك من كفوفي وانا معتاد      أشـيل بـشنطتي غرشة عطر من ريحة احبابي