 |
قسم جزيل المعاني
امسي بك |
|---|
أمسي بك
عسى عمرك طويل(ن)
ف ِ الخلق رابي
***
أمسي بك
وذكرى أمس ترسلني
لأحبابك وأحبابي
***
أمسي بك
عسى الأيام تجمعنا
بأصحابك وأصحابي
***
ويرجع شملنا أكثر وأقوى
من سُوا غيابك على غيابي
***
ونكتب للقمر أشعار
ونكتب للبحر
أسفار الغيابي
***
ونكتب للبشر ديوان
من يسأل
عن أسبابك وأسبابي
***
أمسي بك
عسى وجهك بوجه البدر
من صفوه له شهاب
***
أمسي بك
وقلبك نابض باللي مضى
من ود وعتابي
***
أنا إن قلت لي صاحب،
تراني أصدق الإحساس
لاصحابي
***
وأنا إن قلت لي غايب،
تراني لك جعلت بقلبي
نصابي
***
تراك بخاطري صاحب،
وأنت بنابضي
أكثر من أحبابي
***
أنا اودك
وأنا اذكرك
إذا الأصحاب غابت
عن رزز بابي
***
أنا بطبعي حفيظ الود
ما غيبت لك ودك
ولا طالبت بحسابي
***
تذكر من زمانك
لي مضى
كم من عهود وافت
أسبابي
***
تذكر يوم خالفتك
أنا خالفت نفسي
وعشت بعذابي
***
تفارقنا
وسرت بعيد عن ودي
بسوء الظن
وعتابي
***
ويوم (ن) لك،
أنا أرسلته، بريدي رد
بكتابي
***
جفيتَ الصحبه
من سابق ومن تالي
بلا اسبابي
***
وأنته عالم (ن) إني
أنا صدقتك بنصحي ..
دون لاصحابي
***
ومر بك دهر ما قصّر
وطال الدهر
وانت بعيد الجنابي
***
أنا طرشت لك..
أرضيك..
وأنت الغايب الصابي
***
وقلت لنفسيه
طيبي..
وللأصحاب بالجفوة له
اسبابي
***
وجيتك قلت لي نفسي
أمسي بك
وأنته أثمن أصحابي
***
أمسي بك
عساك تعيش لي دايم
أعز الناس
الاحبابي
***
أمسي بك عسى هالمسا
عنبر وفل وعود..
بك عامر بالاطيابي
|
|
|
| | |
