النظر حد الأصابع
من اشعل الشمس في غيابك حبيبي
واوقد لي نهار انشودة الحزن
سرقني وعشبة الأرض اللي تسري
بكل دمي
نبةٍ ما شابهت كل البياض
الا اشعلته حبيبي بين دمي
وصرت اتنفس سحاب
لون اشبه بالدخان
والله اتعبني المكان
مروا بدمي كثير
الملل والضيق والوان الكآبة..
كنت احس (يديني ريشٍ)
بس خانتني الكتابة..
والنظر حد الأصابع
والعمر رشفة سحابة
من لمح بين الأصابع
..سكةٍ لأبعد طريق
ضيقّة لأقرب طريق
كان فيها الخوف عابر
مثل هذا العمر عابر
والقدم مشوارعابر
وانا احس يديني ريشٍ وأنا خانتني الكتابة..
كنت اقرأ آية الصمت وشفاهي
تهمس لْعابر طريق
( و يوم من الأيام ولعت الدنيي
ناس ضد ناس علقوا بهالدنيي )*..
اطفالنا يا بلاد..
يا سوسنة يا بلاد..
بين الأصابع ناي..
أطفالنا يا نــــأي..
احلامهم يا بلاد..
ما عدت اسمع صوت..
ما عدت اشوف بْلاد
والارض مليانه خضار
اشجارها بقلبي
من هو شعل شمسك حبيبي
واوقد نهار انشودة الحزن
وسرقني عشبة الارض!
* (مقطع من أغنية فيروز للاخوين الرحباني)
|
