 |
قسم متنوع
منفى وو طن |
|---|
لعيــــونك أتنفس وطن حلم وأقدار وأرسم مـــداك لآخـــر العمـر غربة
وألملم أشيـــــائي وجع ذنب وأعذار وأنثر صبـــاحك للمــــساء ينتعلبه
وأسكن زوايا الذاكرة صمت وأسرار وأحطب ضلوعي يورق العشق كذبة
ماني مفـــارق بس لا صـارت الدار تنكر أهــلها وش تفيـــد المحبة
قبل لا أروح
توصي شي
.. نعم ..
خذت الهدايا والجروح معي
بقى الشارع وجع / خوف
هنا وهناك ....
أماكن حالفة تنساك
كثر ما مرت الدمعة
بعيني سيوف
حلفت أنساك
بقى الشارع ألم غربة
سما تسمطر أشيائي
وتزهر أحداقي
وتينع داخلي كذبه
بقى الشارع
بقايا ريحة أنفاسي / وإحساسي
وعتمة عشق
ويصرخ للمدى شارع
عيش الفرق
وروح.........
عسى لا مرك الشارع
تمرك ريحة إحساسي
وبقى الشارع زمن
متى مرك صباحه
أو تمر ليلية
... شجن...
تذكر حضني وأغفى
كثر ما كنت لي منفى
أنا عشتك وطن
بقى الشارع
يمرك يوم / تمره يوم
وبتذكر وشكثر كنا
نسولف لباكر
وضاع منا اليوم
قبل لا أروح ...
أذكر قهوتك وعرفت ليه مره
أذكر صورتك ما تشبهك مره
واللي بقى من عشرتك يا قله وكثره
لا الدمع خان مخدتك ويومك قتل بكره
قبل لا أروح .........
أمانة لا انتثر شعرك تلمه
وأنا لا مرني عطرك بضمه
نعم بروح ..............
لأنه ما بقى لي شي
وان أما تجيني ضي
أو إني ألعنك عتمه
وأنا أما أجي كل شي
أو أن البعد لي رحمة
نعم رايح ......
بلا توديع
أخاف ان جيتني
أضيع
نعم رايح ( توصي شي )
خالد العلوي
|
|
|
|
|
|
