 |
قسم متنوع
تفاصيل البوح |
|---|
( تفاصيل البـوح ) .. خالد العلوي
الوطن :
.. زمن ..
راح .... جاء ..
عشت فيه .. رحت عنه ..
أنت عايش في الزمن ..
يعني الوطن .
الأماكن :
حس ساكن ..
تختزل هالوجوه ..
والسوالف وما تغيّر ..
لو نجي أسود .. ولو أبيض ... وداكن.
الخرائط :
عالم معلق بحائط ..
تحتوي كل الجهات ..
تجمع الضديين.. في واحد
يابس .. وماء ..
حرب .. وسلام
تنتقل فيها بسهولة
بلا حدود ... ولا قيود ...
تسافر ... تعود
وانت معلّق بحائط .
الخيانة :
روح ما تسكن جسدها ..
وأم ما تعرف ولدها ..
تمضغ الكذبة ..... وتسافر بالنفاق
باختصار : شوف العراق ؟
الليل :
همس .. تتنفس جوارح ..
ريح تغازل نوافذ
والعطر ينثر تفاصيله ..
.. على تفكير سارح .
الشوارع :
حلم خطوة ..
وأرصفة ..
إن مشت .. توطى حلمها
منصفة ...
.. والحلم ضايع .
المسافة :
ثغر يتبسم ..
ويتهجى ..
وينبت من جفافه
ألف غصن .. وطير ..
ما يشبه الغير ..
لا تنفس صار ثغره صبح ..
ولا همس صار ليله جرح ..
وما يخافه .
لا غدت كل الأماكن ليل والخطوة مسافة والشــــوارع تعجن العتمة ويتناثر صباح
والخرائط للمدى حلمين والثالث تخافه تسئل اللحظة الثواني عن تفاصيل وجراح
مر أحطب للخيانة كل من يشكي جفافه أشعل حروفــــك ونادي آه لو ينفع صياح
مر وتنفس صدانا .. ما بقى إلا الكلافة مرنا حتى نقول إن اللذي قد راح.. راح
|
|
|
|
|
|
