 |
قسم متنوع
من العايدين |
|---|
من العايدين
من العايدين وغضت الطرف خجلا بخفوت قالتها وقفيــت بسكــات
كثير قالوها ... ومن فمها أحلا ألا وآهني اللي على مســمعه جات
العيد ... في شفاهك ترانيم تحلا ويا شــين عيد ما تغنت به شـفـاة
حاولت أجامل كل من قال : أهلا تعبـــت أرددها وهي ما بعد جات
حتى الطــفل من حيرتي حيل ملا لا جـيت اقـــله : خذ أقوله : هات
احــترت ما بينك وبيـــــن المصلا كن الطــــريق اللي جــمع بينكم مات
حاولت أجمع بك شتـــــاتي وأملا صبحك عطر ، وأتنفسك كثـر ما فات
مريت فعـــروقك وطن صرت نخلا بك شامخ الــــهامة عزاوي وفزعات
وفي شــرفة عيونك تفـــاصيل وجلا أحلام.. وأضغان.. وأماني... وهقوات
كثر الفراغ بداخلي شلت حــــملا تعبـــــــت أنزف لك معاناتي أبيات
وآنا أبيك الصعب ...ما آبيك سهلا لا تنثني للــــريح في كل الأوقــــــات
إن جيت غالي... وإن تباعدت أغلا عمر العـــشق ما غيرته المســـافــــات
من الــــعايدين وصار هالعيد أحلى وشلون لو قالت : أحبـــك بنظرات ؟
خالد العلوي
9545464
|
|
|
|
|
|
