يا اللي نسيت نعمة الخالق الرحمان
          لا لا تنسى إن الروح في قبضة يدينه
والله يمهل بس ابد ما يهمل العصيان
          وكل عمل مكتوب مهما طالت سنينه
تترحم ع الميت والرحمة عليك يا فلان
          كفنت قلبك قبل ما يحين الجسم تكفينه
باختيال تمشي وتنظر نظرة الشفقان
         على اللي فقد رجله أو فاقد نظر عينه
شفت الكفيف اللي حفظ كامل القرآن
         أو الكسيح اللي صدح بصوت تأذينه
شفت اللي نال شهادات العلوم وكان
         طامح يشيل القلم بين أصابيع رجلينه
وانت انعم عليك ربك بصحة الأبدان
        كيف تنكر النعمة وجسمك بفعلك تهينه
ياما وياما اكتسبت من الذنوب ألوان
        وتناسيت إنك فاني ومخلوق من طينه
حاسب نفسك قبل ما يفوت الأوان
        وقبل ما تنطق أعضائك بأفعالك الشينه
ياخوي عمر الإعاقة ما تعني النقصان
        وأنا أشهد إن المعاق اللي ناقصٍ دينه