( الــــزويـــن  )

الـزويـن الـلّي عـلى مربط هواجيسي منوَّخ       هـكذا صـدفـه بلا حـاجـه ولا لـي فـيه حاجه

غّيـــر أنّه ربّمـــا ودّه يـــجرّب لـــه مــبذّخ       بـالـشعـور العاطفي من أجل يتروّق مزاجه

إخـترق ضـلعـين عوج وبينهن عُشّه يفرَّخ       مـن كـتاكـيت الـمحـبّه شوق وهيامي نتاجه 

سـهدلـيل وجـالبات أشوار في راسي تدوَّخ       من مساء الخير حتى يطلق الصبح إنبلاجه

رحـلتّه آخـر مـحطة عـشق مـوعدها مترَّخ        فـي مـجلّد ذاكـرة فـكري وكـل يـوم نْتواجه

أحـترفـت الصبر والشكوى أحسّ إنها تبيَّخ        بـعضـها إحـراج وكـثرتها تعبّر عن سذاجه

إلاّ مـن ضـاقـت عـليـه الـدائره والـهمّ كـفَّخ       وجـه آمـالـه..ولا طـوّف بـها خـارج سياجه

يـاعـويـد الـموز والـوردي بـخدّينه مضمَّخ        لاتـصعّبـها عـليِّ وألـطف بـقلـبي وإختلاجه

لـو دريـت الـحال فـي واقـع بـأزماته مفخّخ        بـين شـدّ وبـين لِيـن وبـين نوبه من هياجه

يـشغلّني كم دواعي صوتهن سمعي يصمَّخ        أتـبعـه وآرد ويـعود الـصدى يـملأ فـجاجـه

الـسُبـل شـتّى وفـيهـا قـد نـصيب وقد نلبَّخ       الـمهـم آنّا خـبرنـا الوضع عدله وإعوجاجه

الصحيح إني بذلت الجهد وعصفت المخيَّخ       لـكن الـغايـه عـليـها بـاب مـستـحكـم رتاجه

قـد يخيب الظّن بعض أحيان ويعصلج مدلَّخ        والـفطـين يَبـدّيَ الـحكمه ولايُبدي إنزعاجه

يـاالوليف اللّي على مُجمل أحاسيسي تشيَّخ        رُحـت وإلا جـيت مـدخـالـك أبـد مـاحدّ لاجه

دامـني الـشاعـر ودام أنّه ودادك قـد ترسَّخ       وجّه إرسـالـك كـما تـبغـي تلاقـينـي مواجه