القشــــــــــــاط

صـاحـبي مـا هـي غـريـبه دام خانوا بك صحاب       شـــي عـــادي دام فــيهــم دم وافــي لــلخــيانــه

الـذيـاب الـلي تـعاوت ف الـضحى مـا هـي ذياب       الــذيــاب الـي انـهشـت لـحم الـقطـيع بـكل خـانـه

مـجدوا هـالـصيـف واهـداهم عرق مثل السراب       يـحسـبونـه مـاي .. لـكنـه عـطش ما به (زحانه)

جــابــوا الــقشــاط واتــكاثــر حــوالـيه الـذبـاب       خــلص الــقشــاط مــا ذاقــوه اصــحاب الـلعـانـه

كــلهــم كــانــوا مــجرد حــلم فـي لـيلـي وغـاب       كــلهــم كــانــوا تــفاهة قــوم مــا فــيهـم رزانـه

كــلهــم هـابـوا ثـقافة جـهل .. واحـنا مـا نـهاب       ســيفــنا لــلحــق خــالـد بـن ولـيد احـنا اخـوانـه

رمــزكــم يــا هــيه غـطى وجـهه بـرقـعة ثـياب       رمـزكـم يـنفـخ ف خـبث وجـوهـكم (قطعة لبانه)

رمـزكـم يـضحـك بـناب .. وخـلفـكم مـليـون ناب       والــقضـيه كـلهـا فـي مـوت (دودي مـع ديـانـه)

سـاحة الـشعر استوت مجنون مع (شلة شباب)       قال: ووووس..ومن يعارضني ترى بقطع لسانه

مـاتـوا مـن الـخوف قـطع رووسـهم قبل الرقاب       سـود الله وجـههـم .. زعـزع بـهم (عنتر زمانه)

الشعر نفس المطر .. وارقى من حدود السحاب       الــشعـر أخلاق قـبل يـكون لـلشـاعـر أمـاااااااانـه

بــرق بــعيـنك وشـوف الـحيـن عـنوان الـكتـاب       خـايـنن بـاع الأخـو مـن شـان تـرفـيعة مـكاااااانه

مـو مـصيـبه ساحة الشعر استوت ساحة خراب       الـمصـيبـه قـاضـي الـساحـه يـبي يـرضـي فلانـه

كــل مـا تـغلـق ف وجـهي بـاب يُفـتح ألـف بـاب       فـارس الـشعـر ارتـقى يا صاحبي صهوة حصانه

كـل مـا طـاح الـمطـر تـرسـمني الارض الشعاب       شـاعـر ٍ جـاب آخـر الـتحـصيـل ناجح ف امتحانه

رغـم هـذا كـان لـي ديـوان مـن (وجـه الضباب)       إنــت مـا حـركـت سـاكـن فـيه .. ثـابـت بـاتـزانـه

حل عن عيني سألت : الشمع عن شعري وذاب       قــبل لا أشــعل بــراســه نـار ذاب بـشمـعدانـه !!

اسـأل الـتاريـخ يـسكـب لـك مـن الـشعر انسكاب       اشـرب اشـرب من دلال الشعر (هيله وزعفرانه)

كـل رجـل ٍ فـي الـزمـن يـحسب لخطواته حساب       انـتبه ..!! ترى(الدعن(لا طاح عذره في )الزفانه(

انـت مـا تـاخـذ ف جـيبك شيء .. تاخذ لك تراب       كـل شـاعـر وافـي بـشعـره قـتل فـيك الـخيـانه !!