" للصمت محرابٍ " وللبوح عصفور
لــلعــش عــصفــوره ولــلشــوق انــسان
لــلحــب والــه.. لــلولــه الـف دسـتور
لــلعــشق قــلب .. ولــلفـرح دمـك اوطـان
لـلشمس ضيء .. وللقمر ينسب النور
هـــم لــلســما ومــعانــق الــكون اخــوان
لـلسـور حارس .. لا.. للحارس السور
لـــلدم شـــريـــان ٍ ولـــلمـــاي شـــريــان
لــلعــنفـوان الـطيـب .. لـلريـح مـنثـور
للإخـــضرار الـــغيـــم .. لــلطــيف هــتان
يـا بـنت لـك وحـدك احـاسـيسي زهور
لا تــقطــفيــها .. لـلزهـر غـصن ولـهان!!
مـثل الـزجـاج احـيان لا صرت مكسور
صــعبــه ارد احــيان واتــكســر احــيان!!
مـا نـي عـلى طـيّ الـمسـافـات مـجبور
ومـا نـي عـلى بـعضـي إذا قـلت : لك كان
يـا بـنت لـك فـكري من الوجد معصور
فــوق الــورق مــيت عــلى كــل وجــدان
يـا بـنت .. لامـس كـفك فـتات طـبشور
ووش يـاخـذ الـطبـشور مـن كـف إنسان؟
لـعبة كـراسـي .. يـا زمـن خـلفها دور
مــن يــسبــق الــكرســي ولـلحـب ازمـان
يــا بــنت.. والله جــيتـك وكـلي شـعور
انــت الــشجــر يـا بـنت وانـا لـك اغـصان
لـو يـستـحي هـالـليـل مـا حـط ديـجور
فـي وجـهك الابـيض.. عـمى الـليل هيمان
لـو قـلت : لـك فـي داخل القلب محفور
إسمك .. لا قلتي " يكذب ويصدق فلان"
يـا صـمت يـا محراب .. يا بنت معذور
شــاعــر انــيس الــليــل والــليــل حـيران
لـو نـجتـمع يـا بـنت مـع لـهفة الـحور
لا كــان .. كــان اجــمل ولا ظــنتــي كـان
يـا بـنت .. حـلمي كان عايش وميسور
يـــسكــن حــنان وســادتــي نــام بــردان
عــريــت عـينـي لـكن الـدمـع مـستـور
شــــباك احــــمر والـــمواعـــيد جـــدران
يـا بـنت .. قـولي : للسهر انت مشكور
خــليــه يــنسى يــمكـن يـكون غـلطـان ؟!
