بـقايـا الـفكـر و دروبـي حزن يرسي بلا عنوان

رمـاح الـغدر فـي لـيلـك هـوت بـالـحيـل أسبابك

تـعذّر بـس تـرى كـلي حـسافة بـحيل لك ندمان

امــانة لا تــعاتــبنــي مــدام الــغدر لــي جـابـك

ذبـحت ايـامـي و سـعدي ذبـحني طينك الخوان

زمـان الـحب ارخـصتـه كـثر مـا شـالـك تـرابـك

دعـيت الله يـجيـبك لـي تـجيـني تشتكي خسران

مـن الـلي بـعتـني لـجلـه و أرخـص فـيك احبابك

طـعنـت حـروفـي بسيفك و كنت الباكي الحيران

بـسْ احـذر طـعنةٍ مـني جـرح يكبر على أبوابك

هـناك الـبارحة كـانـت ظـروفـي تـحسبك هيمان

رجــعت و مـا دريـت انـك تـطيـر بـكل أسـرابـك

رخــصتـك كـل أيـامـي شـريـتك غـالـي الاثـمان

فـرحـت بـكل مـا فـينـي لـجل تـرضى و اهنأ بك

على ذكرك نسيت اليأس نسيت الهم و الأحزان

نـسيـت انـي أمـل ذابـل تـعب يـنزف على ترابك

دروب الأمـس تـحكي لي حكاية نبضها حرمان

شكت بالحال و اعيتني متى تفرح على أبوابك؟

و جـتنـي صـدمـتك تسبق دروبك و اللقا أزمان

تــجمّع بــاقــي عـيوبـك و مـن دنـياي بـكتـابـك

أخــيرا مــا بـقى فـينـي و لا عـندي أبـد انـسان

سـوى هـالـغدر فـي لـيلـك هـوى بالحيل أسبابك