فاتــــــك
وعدك اللي قطعته وارتسى كالجبال
شامخ ٍ ليــن كفــك بالفخـــر كملــه
جيت وجه الحقيقـه واعتليت الخيال
يا سمو ٍ سمــوك وحــدك انتـه هلـه
كيــف وانت بثباتــك قاهــر ٍ للمحال
دام لا طــال حلم ٍ توصلـه .. توصله
وافتخاري بشخصك ما به أية جدال
دام للعــز إسمـك لا طــروا مرجلـه
عـن جـداره تنال اللي تبيه .. وتنال
كبريــاء و تواضع ، عـزه و منزلـه
لـك بناديـر ديــره وقفــت لــك ليــال
لجــل تبنــي أملهــا ودربهـا تشعلـه
هم رجالك نمور ٍ بيــن كــل الرجـال
أسمهــم فالمعالـي له مقام و صلـه
شوف كل الحــواري تنبضك للثمـال
والشفايا بـ "فاتــك" كلهــا مبللــه
يا سمو الكرامه والمجــد والخصال
وعـدك اللي قطعتـه .. جيتنا تكمِّلـه
