 |
قسم شعبي متنوع
تصور |
|---|
تصور هالغياب الليل يقرانـــــــــي
تصور و الدموع شموع تسهرنـــي
تصور هالمراية تجهل الوانــــــــي
تصور كل هالدنيـــــــــا تكذبنـــــــي
و أجيك
و ضي مصباحي نسى هالدرب
و أنا أمشي طريقي ليل
و أسولف هالغياب الليل
و أصحي وقتي الغايب مع غيابك
و أرد أبكي دروبي ما تجي بابك
و أنا فيني الجروح جْناح
و أنا فيني الصباح رْماح
أصيح
و ينعدم صوتي على أسماعك
و أنا تسهرني أوجاعك
و أوجاعك مرايا حيل تنظرني
تبروز وجهي الداكن
و أنا هالليل بي ساكن
على الواني
على أحضاني
على وجه الدروت الدمع
بأوطاني
أجيك أحلام تزعجني
أجيك أوطان ترفضني
سوالف تعشق الغربة
و أنا هالجرح أسهر به
على يديني
على ذيك الليالي ال ما تدفيني
تصور ما يمر الصبح بأطرافي
و أنا حْمولي مداين ليل بأكتافي
و تجرحني و أنا بليلك
أشب أفواه قنديلك
كسرني الوقت و أحلامي
سنابل تورق حضورك
على أعرافي
أجيك و دنيتي ماهي
يجي هالصمت بشفاهي
على أوراقي يمر الويل
على أسمائي جراحي سيل
و أنا فيني الشوارع ليل
و أسولف هالغياب الليل
و أصحي وقتي الغايب مع غيابك
و أرد أبكي دروبي ما تجي بابك
|
|
|
| | |
