( بيّض الله وجهك)

[أنور البلال]

( بيّض الله وجهك )

بيّض الله وجهك المملي غرور
و سوّد الله وجهي اللي ما نساك

اشهد انك بالجفا ما بك قصور
ناظر الخافق سكاكينك هناك

ما ابي عينك على عيني تزور
دمعتي غيمه و ما تمطر سماك

ازرع اشواقي على ارضك بذور
واجني الميته على قطفة يداك

حاجتي لك حاجة عيوني لنور
وحاجتك لي حاجة العابر معاك

ما رفع سهمك سوى ذاك الفتور
رفّع القيمه على منهو بغاك

يا نبات العمر ما شفت الزهور
من سقاك البارحه يعشق ضماك

و يا ملاذ الصبر في وسط الصدور
ملّت اقدامي على دوسة حماك

تنكسر هامه على متن السطور
و ترتفع قامه على حدة ذكاك

ينقص الجامد مفاهيم الشعور
والشعور انسان عايش مع سواك

علّم المجفي و قله هي تدور
عادها بدور ولجاني دواك

يالجفا وقف انا ماني صبور
استحي واعطف وبيّن مستحاك

أخي الحبيب

( علي )

تألقت حرفا وأبدعت شعراً

ويكفي من كل ها واك نقاء قلبك الأبيض

نص راقي يليق دوما بحضورك وحساسية الحرف معك

.. النص راقي وما كتب بالذهب هو الأروع ..

كن بخير

محبتي وصفو ودادي