أكذب و أقول إنّي بخيــر ..

[علي الفارسي]

المشاركة الأصلية كتبت بواسطة كمالية بنت السلطنة

صبااااحكم ...برد ...

....
أكذب وأقول أنّي بخير ..
وأنا الجروح اللي دمت فالقلب ...لا يمكن تصير
وإنّ الهنا ..: أصلا (أنا)
وإنّ الفرح قربي ..هنــا ..
وإنّ الألم والهم ..ما يوم ن دنا ..منّي أنا ..
...
أكذب واقول : إنهم أبد ما جرّحوني ..
ولا انكسر قلبي و لا فاضت عيوني ...
أكذب وأقول : اللي جرى لي منّهم
ما همني ..ما هزّني ..مــ أتزعزت لجله ركوني ..!!
....
أكذب وأخبّي وأنتظر ..
يالله ..عسى منهم عذر ..
قادر على (طفيّ الجمر)
اللي كسى قلبي ..وأحرق بي خفوقي ..
والله فوقي ..يشهد ..
وأخاف ان الكذب يُغضب إلاهي ..
ياللي عن طعون ن سببها نظرتك ..
ليه أنته ساهي ..
وبــْ ظلمك و غدرك تقصدت التباهي ..
أبسألك وشلون نايم
والجفا في داخلك سهران دايم ...
يا قاتلي ..يكفي سهر ..
والله ..أتعبت النظر \
وبان السواد اللي تحت عيني
ولاحظ ذبولي ..والدني ..
وأخاف لامنّهم جنوا و استجوبوني ..
أكذب وأقول إنّ السبب درسي ..مذاكره و أوراق
ما هو سبب نفسي ..أو فلسفة عشـاق ..
...
أكذب و يصدقني شعر ..عيا يخبيها ..محطات الالم ..في وجهي المشتاق ..
أكذب و تكتبني حروف ن في ظهر أوراق ..
أكذب و يبكي لــ حالتي ..(نجم السما) ..
اكذب و داخل هالحشا صحراء أتعبها الضما ..
والبرد والامطار والعيد والافراح \
مازادت الا هالجروح ..جراح ..
لنّي تذكرتك معا هبة مطر ..
نفحة عبير ..
لنّي تذكرتك مع صوت الخرير ..نوح الصغير ..
اللي يبي الهبطه .!!
لني تذكرتك مع اللبس الجديد
والكلّ سعيد ..ألا أنا ..
يا قاتلي ..يالله عسى عيدكـ سعيد
والهم والاحزان لي ..
وأنته و أتراحكـ بعيد ..!!

كمالية

والنعم بك يا الكماليه
قصيدتك غنائيه رائعه
كلامك يلامس الوجدان
بارك الله فيك
يا سيدتي
تقبلي مروري