نكتب عن الحب في الصف أول إعدادي !

[حمود الحجري]

المشاركة الأصلية كتبت بواسطة فهد الأغبري

أسمع من بعيد صوت ف هالمسا ينادي :
( كل عام يـ كبير وأنت إنسان مو عادي !

ياااا خاطري أنطق الكلمــــة من لسانـــك
كلمــــا تبعثرنــــي بحـــة صوتــــك الهادي

ابا احتفـــل معْك وحدك انت .. واكشف لك
عـــن كل حاجـــة خـــذت من جفني رقادي

وأبا أحكــــي لكــــل هذي الناس عن قلبك
عن حلـم أشبه بنجمٍ ف السمــــا بـــادي )

هذا أنا .. معْك وحــــدك انت .. وإحساسي
بيقـــول كــلْ شي ..وعاد افهم وش مْرادي

ليــه آآآتذمـر ؟ وأقول : الـــرزق ما يكفي
واللي خلقنـــــي حفظ لي شربــي وزادي !

يكفــــي بـــأن الدروب اللـــــي خذت رجلي
عشان : ربــــي .. وديني .. وراية بـــلادي

كلمـــــا نطقــــت الحــــروف الأربعـــة كني
طيّبت كل من سمــــــع بالمسك والكــــادي

أفكر ف جيل يبني هالوطـــــن / واسْمـــع
مـــن قال : أفكّــــر لجـــل مستقبل أولادي

ولا مــــا الـــومـــه إذا فكـــــر بهـــم لكــن
تفكيــــره ف وادي / وتفكيـــــري ف وادي

حتــــى عتـــاب اللي ظن ف اسمــه الهيبة
صدقنــــي مـــا زاد غيـــر ف حملي عنادي

من يبغـي يفاخـــر يشمّـــــر لنـــا ذراعــــه
الفخــــر مـــا هـــو بقولــة : كانوا اجدادي

مــــا عـــاد تفـــرق كثيــــر اليــوم لــو قلنا
سالـــــم بــن سعيـــد ولا سالـــــم البــــادي

حويت أبعــــــاد بعـــض النـــــاس لكنــــــي
وســـط الحــزن عاجز أحوي بعض أبعادي

الله يـ الشعــــر كيـــف تصـــــور الفكـــــرة
وتهيـــض النفـــس كلمــــا تسمــع الحادي

هذا أنت مـن يوم صرت أكتب لك الواقع :
زدت المحبيـن / ومعهــــم زدت حســــادي

أنثر لك بكــــل شــــوق أكثــــر تفاصيلـــي
وأجمّـــــع بشكـــل ودّي أجمـــــل أضدادي

وأتذكر أمي وهــــي تـــوبخني بجملــــة :
( لا عاد تعصي كلامي من هنا وغـــادي)

وأيــــام فـ المدرســـــة نتنـــــاقل الواجب
ونكتب عن الحب في الصف أول إعدادي

والحييين .. غابت كثير أشياء من حولي
ولفقدهـــا كــــل ليـلـــة يبكــــــي مـــدادي

قولوا له اللي وصل ضامي وانا أسقيته
حتـــى إذا خلص الما / قـــــرر بعــادي :

إنــــي انتظرته كثييييييير .. وكنت متأمل
يـــــرجع فــ إيـــده هــــدية عيـــد ميلادي

يمكن إذا فاض شوقه ياااتي .. ويمكـن
مكتــــوب أقضـــي بدونه باقي اعيادي !

يكفيني واحد همس لي فـ هذي الليلـة :
كل عام يـ كبير وأنت إنســـان مو عادي

فهد
نص جميل
أعجبني تسلسله
واتكاؤه على الذاكرة

أعجبني صوته الهادي
صوته الشبيه بصوت الحلم

[فهد الأغبري]

المشاركة الأصلية كتبت بواسطة حمود الحجري

فهد
نص جميل
أعجبني تسلسله
واتكاؤه على الذاكرة

أعجبني صوته الهادي
صوته الشبيه بصوت الحلم

حمود الحجري ..

يشرفني مرورك .. وحروفك هنا

كن قريبا دوما .. فرأيك يهمني دوما
تحيتي