( عين الحسافه)

[علي الغنبوصي]

صباح / مساء الخير

لقلوبكم المملؤه بالخير هذي المتواضعه


(عين الحسافه)


طاح دمع الصبر من عين الحسافه
و الدمع لو طاح ما قامت حميا

والله اني ذقت من يابس جفافه
لين صار الشوك لي تمر(ن) جنيا

ما عليه اليوم لو طالت مسافه
العمر مرجوع من شوفة محيا

والوجع لو زاد بالصدر الكثافه
بان وسط الناس و تبيّن عليا

و الحزن لفة مصر فوق التفافه
ما قدر راسي على لفه و عيا

الحقيقه في عيونك هي خرافه
واقع (ن) ما هو هنا ولّا هنيا

شاعرك لو ضاق زان الضيق قافه
يمطر احساسه و هو لا ما تهيا

يا قصيدي يا مصبي يا ضفافه
يا حروف اسمي على اسمك سويا

حلمي البارح لك الله حلم تافه
مرّني طيفك وانا ما قلت حيا

عادتي لا شفت عودك و انتصافه
آتحنط لك و سوي لك كذيا

يا ثمر يانع و في موسم قطافه
طالتك عيني و لا طالت يديا

طالبك و الصبر في آخر مطافه
رجّعي جملة حبيب الروح فيا