فـي حــب بديـــة

[سالم الريسي]

والله لو ما قلت بديه كنت بقول شي ثاني............

لكن بديه وأهل بديه يستاهلون ياسعيد وطبعاً ماغريب على شاعر مثلك الابحاربفكره في بديه .........

. يا دانةٍ ما تنشرى من قاع غزراتْ البحور
أغلى من الغالي نعم ما صاغها راعي الدلال ...
... فيها الحسن ما له وبي واللي انجبر فيها امعذور
ما دام ربي زانها ولبسها من ثوب الجمال ...
.... لا جيت ابوصف حسنها هي سيد ربات الخدور
مزيونةٍ هذي اللتي لا قالوا السحر الحلال ...
... وان جيت ابين لهفتي والشوق خانني السطور
وأنا الذي عاشق نعم والعشق ما عنه مجال ...
... حتى ولو عيني غفت كل الجوارح والشعور
ترحل وتأخذني غضب وتجدد عهود الوصال ...
... حافظ على ناسٍ لهم في خاطري أكبر حضور
تعرف مواجيب العرب ما تشتكي عسر وعلال ...
... ناسٍ بشاشتهم عجب ترحيب واكرام وحبور
تلقى معانيهم فخر وتزين أفعال الرجال ...
... يتناقلوا طيب الفعل ما يشتكوا ضيم وقصور
وان جيتهم هم لابتك ولزوم في حالٍ ومال ...
... جيتك وانا كلي وله يا بدية يا ضيٍ ونور
تستاهلي كل الغلا يا شمس ما تعرف زوال ...

(والله ماعارف شوا أقول غير إنه نص في قمة الروعه)
سالم